लेख रचना

द्वाल्खा म्यासमुचा पिसिन् द्वाल्खा बिकाशय लागिन् यङ प्रयास

–डा.आदर्श प्रधान

संसारकु असंभव हङतु हातिङ मद। मिन् यरि चार्हेस यउताङ यरिफरई, आमे थिगुर उदाहरण द्वाल्खा म्यासमुचा पिसिन द्वाल्खा बिकाशय लागिन् यङ प्रयास खेङ। द्वाल्खाय म्यासमुचा हङ द्वाल्खा मिय कोखलान जन्मैजु चेलीबेटीपेन् खेङ। गत्के थें ताताकेंहेंपे ब्यँाहा द्वाल्खा पिपानय मिपेनाप जुयन चोंन, हर्स वल्तेचा ताताकेंहेंपे ब्यँाहा जुकुन द्वाल्खा मिपेनाप जुयन चोंन। द्वाल्खा पिपानय मिपेनाप ब्याहा जुयननी संस्कार, भाषा, रितिरिवाज फरक जुइरी स्वभाबिकतु खेङ। तर छिजी द्वाल्खा चेलीपिसिन थउ मा भाषात, जन्मैजुय ठाँइत लुङमोङ्केई मर्फहिन्। आले थउ माइती ठाँइय लागिन् हातिङ यरिमल हङन दोखुनुङ चेलीबेटी मिलैजुयन दाँछि हाखेन द्वाल्खा चेली बचत तथा ऋण सहकारी संस्था लि., काठमा48डुकु चल्के त्वार्तहिन्।टांयन–टांयन ब्यँाहा जुयन वन्गु म्यासमुचापेन नापलरि मल्दन, थउ दुख–सुख बोठइ मल्दन हङन शुरुकु पेमा–ङामा ताताकेहें पिसिन द्वाल्खा म्यासमुचापे संस्था दकेइरी साँेच यत्हिन्। आम्लि जुकुन मजि हङन लछिन् थिमाके सर्छि (१००) उठ्याङन, जम्माजु ढ्याँबा आपत परैजु म्यासमुचापिस्त ट्यारित बिमल हङ सोँच यत्हिन। सोँच ड्वाकयननी यउताङ योजना सफल जुर हङथे म्यासमुचापेन मिलैजुयन सहकारी संस्थाय तु जन्म बिई सफल जुरहिन्। आउ उ संस्थाकु लगभग २३० जना सदस्य पेन् दम। द्वाल्खा चेली बचत तथा ऋण सहकारी संस्था लि.कु द्वाल्खा म्यासमुचा नसि काठमा48डुय मिपिसित टुल्के ढ्याँबा जम्मा यरिरि, ऋणकाइरी यङन चोनहिन्। यिथि तुङ बालस्के सेवा बियन उई फर्स लिबि फाइनान्स कम्पनी, बिकाश बैङ्क टुल्केङ थेइ फरई।

म्यासमुचापेन् थउ जिर्णोद्धार यरिटेङ थाम्नय पशुपति देकुकु चोङ

द्वाल्खाकु गत्केङ देकुपेन पुरान जुईध्वोन्जु। गत्केङ देउपेन गुनानुङ जिर्णोद्धार यरेउरा हङन मुल सोयन चोनहिन्। आम देउ मध्यकु थिमा देउ थाम्न सेङ नापय पशुपति देउ खेङ। आम देउ त द्वाल्खा म्यासमुचा खलक्न चारङ जिर्णोद्धार यरि टेनई। आम देकु दकैइत ग्वाहारय लागिन २०६६ श्रावण १३ गते खुनु काठमा48डुय प्रज्ञा प्रतिष्ठानाकु ड्वाकु साँस्कृतिक साँझय आयोजना यत्चु। आम ज्य खँकु नेपालय नाम चलैजु कलाकार पिसिन टुल्के प्याङन पेन केङन दिरहिन्।द्वाल्खात हातिङ यरिमल हकु म्यासमुचा पिसिन थाप्रे द्वाल्खा वङन भैरब–कुमारीय ब्रत चोङन भैरब–कुमारीत चकटीङ छारहिन्। थनुकेसी द्वाल्खाय दाजुकिंज पिसिन जात्रापेन लुङमोङ्के चोङ ब्यालाकुु ब्यँाहा जुयन पित उई्ध्वोन्गु म्यासमुचापिसिन द्वाल्खात यङ मायालान गत्के खँ थुईमल, सेंइमल। द्वाल्खा म्यासमुचा खलक्न् द्वाल्खाय स्कुल बोङ्गु गरिब–जेहेन्दार थिमा बिधार्थीत बोङ्केइरी, गत्के बर्ष जुई ध्वोङ्गु बुढा–बुढी पिस्त सम्मान यरिरिङ सोँच दके तयन तरै।द्वाल्खा म्यासमुचा खलक्न यङ प्रयास त छिजी दोखुनुङ द्वाल्खामि पिसिन ग्वाहार बिईतु मल। थउ जन्मैजुय ठाँइ, थउ मा भाषा त गुल्पनुङ लुङमोङ्केई मफै हङ उदाहरण म्यासमुचा पिसिन बाँलस्के केनहिन्। उ खँ लान चारङ थुयन छिजीनुङ थउ फय सय हातिङ यरिलौं।